Овој рецепт се подготвува за помалку од 70 минути

1. Семките од сончогледот, ленено семе и сусамот малку се пржат во тавчето без масло.
2. Рерната се загрева на 200 степени.
3. Во длабок сад, брашното се просејува, се додава сода, сол и се промешува.
4. Се додаваат и овесните снегулки, семките од сончоглед, лененото семе и сусамот, кои претходно ги испрживме.
5. Се прави вдлабнатина во брашното, во неа се истура јогуртот и се промешува со лажица.
6. На површината на масата, се посипува брашно и потоа се истура тестото.
7. Од тестото се формира топка.
8. Во плех, посипуваме брашно, го префрламе тестото и го сечеме со нож во облик на крст.
9. Одозгора се премачкува со јогурт.
10. Се пече околу 45-50 минути додека добие убава румена боја.