За овој рецепт се потребни помалку од 60 минути

1. Сварете ги парчињата лосос во зовриена вода во тенџере на оган во која претходно ставивте сол и масло. На сварената риба отстранете ѝ ги коските и кожата, па месото иситнете го на парчиња.
2. Во друго тенџере со зовриена вода на оган сварете го грашокот и потоа исцедете го.
3. Компирите излупете ги и исечкајте ги, па варете ги во тенџере со зовриена вода на оган. Потоа испасирајте ги како пире.
4. Во сад измешајте ги пирето од компири, лососот, сечканиот магдонос, грашокот, јајцето и зачинете со сол, бибер и вегета.
5. Во смесата изрендајте и малку кора од лимон, па месете со рака да се соедини и формирајте ги ќофтињата.
6. Валкајте ги во лебни трошки и пржете ги во загреано масло во тава на оган од двете страни додека убаво поруменат.