За подготовка на овој рецепт се потребни помалку од 40 минути

1. Кајсиите измијте ги, отстранете им ја семката и исечете ги на коцки.
2. Во голем сад, маргаринот пенасто изматете го со шеќерот и ванилиниот шеќер.
3. Додавајте едно по едно јајце, јогурт, кафе и брашното, претходно измешано со сода бикарбона и прашак за печиво.
4. Лимонот исцедете го и изрендајте ја кората. Коцките кајсија измешајте ги со сокот од лимон и кората и убаво промешајте, па додајте ги во садот со јајцата.
5. Убаво промешајте и сипете во намрсен и набрашнет плех, па печете 25-30 минути во рерна на температура од 180 степени.
6. Оставете колачот да се олади, а потоа прелијте го со глазура од стопено чоколадо и путер.