За подготовка на овој рецепт се потребни помалку од 60 минути

ТЕСТО:

1. Измешајте го брашното со рендана кора од 1/2 лимон и ставете го во длабок сад.
2. Во средина на брашното направете вдлабнатина, па ставете го издробениот квасец и 2 супени лажици шеќер, прелијте со млако млеко и оставете да стаса квасецот.
3. Откако ќе стаса квасецот, додајте парчиња путер и со миксер добро изработете го тестото.
4. Додајте уште малку брашно и оставете го тестото 30 минути на топло место да нарасне.

ФИЛ:

1. На оган згответе ја слатката павлака со 80 грама шеќер, додајте го мелениот мак и веднаш тргнете од оган.
2. Пишкотите издробете ги на поситно и измешајте ги со рендана кора од 1 лимон и со свежиот сок од лимон, мелените бадеми, ванилиниот шеќер, румот и јајцата.
3. Добро соединете ја смесата и оставете настрана да се олади. Во меѓувреме промешувајте.

ПОДГОТОВКА:

1. Загрејте ја рерната на 180°C.
2. На набрашнета површина расукајте го тестото и обложете го во плех. Оставете го на топло место уште дополнителни 10 минути.
3. Во меѓувреме излупете ги крушите, исчистете ги и исечете ги на коцки.
4. Тестото премачкајте го со филот од мак, одозгора додајте ги коцкичките круши и печете во загреана рерна околу 35-40 минути.
5. Извадете го колачот од рерна, оставете да се олади, а потоа исечете го на коцки, посипете со шеќер во прав и послужете.