За овој рецепт се потребни помалку од 35 минути

1. Во длабок сад се мати јајцето, се додаваат киселото млеко, водата, ситно сечканиот магдонос, изренданото сирење, сусамот, кимот и печивото. Сето тоа убаво се меша. Филот може да го подготвите по желба со зелјест зеленчук наместо магдонос.
2. Корите се сечат со ножици, секоја на четири дела, а потоа се отсекуваат краевите (за да се добие осумаголник).
3. Преостанатите делови од корите се мешаат со смесата во длабокиот сад.
4. Се земаат по 2 сечени кори, се ставаат во подмачкано тавче за мафини и се подвиткуваат со краевите навнатре.
5. Потоа со лажица кошничките од кори се полнат со смесата.
6. Се печат во загреана рерна на 250 степени, околу 20 минути, односно додека заруменат.