За овој рецепт се потребни помалку од 50 минути

1. Карфиолот поделете го на цветови, а тиквицата и келерабата излупете ги и исечкајте ги на коцки. Ставете ги во подлабок лонец и полијте ги со вода, зачинете со зрна бибер, сол, лук. Варете на тивко 20 минути додека да омекне зеленчукот.
2. Потоа извадете го зеленчукот од супата и иситнете го со рачен микер.
3. Пилешкото месо иситнете го во блендер и додајте путер, сечкан магдонос, сол и бибер. Белката изматете ја со вилушка и соединете ја со пилешкото. Обликувајте кругови или со лажица извадете кнедли и варете ги во супата каде што се варел зеленчукот.
4. Во чорбата додајте ги пасираниот зеленчук и кнедлите, посипете со сечкан магдонос и послужете го јадењето топло.