За овој рецепт се потребни помалку од 35 минути

1. Сварете ги тестенините според упатството на пакувањето (употребете ситни тестенини во форма на школка) и потоа исцедете ги. Исплакнете ги под млаз ладна вода, повторно исцедете и тргнете ги во сад настрана.
2. Во меѓувреме исечете ги тврдоварените јајца на четвртинки, а сланината на коцки.
3. Пропржете ја сланината во тава со масло на умерен оган 4-5 минути, додека стане крцкава, а потоа ставете ја врз хартија за да се исцеди од течноста.
4. Во друг сад измешајте ги мајонезот, лимоновиот сок, 1 лажица топла вода, исечканите сардели, сечканиот млад кромид и сенфот. Пробајте дали треба да се додаде воопшто сол, бидејќи самите сардели се доста солени.
5. Со тестенините измешајте ги половина од пармезанот, половина од пржената сланина, исечканиот целер и исечканата марула. Додајте ја мешавината од мајонезот и убаво измешајте.
6. Салатата украсете ја со јајцата, останатата сланина и пармезанот, па сервирајте ја.