За овој рецепт се потребни помалку од 45 минути

1. Исечкајте го младиот кромид и пржете го 2-3 минути на 30 грама путер. Додајте ги брашното и млекото, па варете го сосот 5 минути на тивок оган со постојано мешање.
2. Посолете го сосот, додајте го ренданиот кашкавал и оставете настрана да се олади.
3. Додајте ги жолчките, а потоа и белките (изматени со миксер во цврст снег).
4. Варете го замрзнатиот грашак во посолена и зовриена вода 10 минути. Исцедете го и пропржете го на останатиот путер заедно со пршутата исечена на коцки.
5. Јуфките сварете ги, исцедете ги, оладете ги под млаз ладна вода, измешајте ги со сосот и ставете ги во калап за куглов со дијаметар 20 см, претходно намастен и посипан со презла.
6. Печете го колачот на 200 степени, 25 минути. Сервирајте го со грашакот и пршутата.