За подготовка на овој рецепт се потребни помалку од 30 минути

1. Употребете 4 мали огноотпорни садови за колачи и намастете ги со малку истопен путер.
2. Измешајте го какаото со 1 лажица брашно и смесата наросете ја врз садовите со путер.
3. Во тава растопете го останатиот путер (7-8 лажици) со чоколадото. Мешајте и потоа оставете настрана да се олади.
4. Свежите малини измијте ги и испасирајте ги заедно со џемот од малини.
5. Во друг сад, со миксер изматете ги јајцата со шеќерот и солта додека смесата убаво не се соедини. Матете околу 3 минути, а потоа додајте ја смесата со растопеното чоколадо и убаво промешајте со лажица. Додајте и 1/4 чаша брашно и повторно промешајте.
6. Од така добиената смеса, ставете 2/3 во подготвените огноотпорни садови и потоа додајте од смесата со малини. На крај додајте од останатата чоколадна смеса.
7. Печете во рерна 16 минути додека врвот од лава колачот не распука, а внатрешноста е течна. Извадете од рерна и оставете да се олади 5-8 минути.
8. Послужете ги колачите во чинии, наросете шеќер во прав по желба и веднаш послужете.