За подготовка на овој рецепт се потребни помалку од 60 минути

1. Во сад измешајте ги брашното, мелените бадеми и циметот.
2. Во друг поголем сад пенасто со миксер изматете ги путерот и шеќерот, па додајте ги јајцата и ванилата. Потоа додајте ја смесата со брашно и добро промешајте.
3. Тестото поделете го на два дела, ставете ги во фолија и оставете ги во фрижидер да отстојат 2 часа.
4. Откако ќе отстои тестото, расукајте го многу тенко. Половина од тестото исечете го со модли по желба: ѕвезди, цветови или кругови, а другата половина исто така исечете ја само што во средината ќе исечете уште еден помал круг (1-2 см).
5. Ставете ги во тепсија едно до друго и печете ги во загреана рерна на 200°C, околу 10 минути.
6. Печените колачиња со дупка ставете ги на хартија и посипете ги со шеќер во прав и ванилин шеќер, а преостанатите половини намачкајте ги со мармалад по желба во кој претходно измешавте малку рум.
7. Преклопете ги колачињата со мармалад со колачињата со дупка и шеќер во прав и послужете ги.