За овој рецепт се потребни помалку од 120 минути

1. Брашното измешајте го со солта, 2 лажици вински оцет, 1/2 чаша масло, идробениот свеж квасец и замесете тесто со топлата вода.
2. Кога ќе биде добро измесено тестото, поделете го на 10 топчиња. Секое топче расукајте го во мала кора.
3. Корите поделете ги на два дела – во едниот дел ставете 6 корички, а во другиот 4 корички една врз друга.
4. Секоја кора премачкајте ја со растопен маргарин освен последните две на кои ќе наросите брашно.
5. Така приготвените кори покријте ги и ставете ги во фрижидер околу час и половина.
6. Потоа делот од 6 кори расукајте го во големина на тавчето, но да има малку оставено за витка.
7. Тавчето премачкајте го со масло, ставете ја кората и премачкајте ја со растопен маргарин и со маслото.
8. Врз неа ставете го спанаќот во кој има издробено сирење и исечкани лути пиперки, сол и 1 јајце.
9. Врз филот ставете ја другата кора расукана потенко за да може да се набере.
10. Направете витка и печете го зелникот во рерна додека да зарумени.