За овој рецепт се потребни помалку од 60 минути

1. Во подлабок сад ставете 3/4 од брашното, направете длабнатина во средината и додајте го квасецот (претходно растопен во малку млако млеко).
2. Додајте ги јајцето, солта, путерот (омекнат на собна температура) и измешајте ја смесата.
3. Додајте го остатокот од брашното и месете додека добиете меко и еластично тесто.
4. Тестото формирајте го во топка и оставете го да стасува 2 часа покриено со крпа.
5. Во меѓувреме подгответе го зеленчукот: модрите патлиџани измијте ги, не ги лупете и исечкајте ги на коцкички.
6. Доматите исто така исечкајте ги на коцкички, а на маслинките отстранете им ги семките и исечкајте ги.
7. Во тава со масло на оган додајте го чешнето лук и оставете го да пушти малку мирис. Потоа додајте ги модрите патлиџани и доматите и мешајте додека омекне зеленчукот.
8. Оставете го во сад настрана, додајте ги маслинките, сечкан босилек и зачините.
9. Тестото расукајте го во круг, па од страните распоредете го зеленчукот во круг. Исечете го тестото на средината на ленти. Лентите преклопете ги врз зеленчукот со тоа што ќе ги залепите на тестото.

10. Печете ја питата во загреана рерна на 200 степени околу 30 минути.