За овој рецепт се потребни помалку од 35 минути

1. Загрејте ја рерната на 190 степени.
2. Јајцата скршете ги во подлабок сад, додајте сол, бибер и други зачини и билки по желба. Добро изматете со вилушка.
3. Калап за мафини премачкајте го малку со маслиново масло, путер или кокосово масло за да не се залепи при печењето.
4. Сланината пропржете ја кратко додека стане малку крцкава. Потоа исечкајте ја и измешајте ја во сад со ситно сечканите кромид, пиперка, спанаќ и чили пиперка (по желба).
5. Во калапите распоредете ги сечканите кромид, пиперка, спанаќот, чили пиперката и сланината.
6. Внимателно врз нив претурете ја смесата со јајца, но не ги полнете до горе. Потоа додајте од преостанатата зеленчукова мешавина и изрендајте кашкавал.
7. Печете 15-18 минути. Проверете со вилушка дали кишот е сув во средината. Ако уште е течен, печете уште малку, па потоа извадете ги од рерна.
8. Оставете да се оладат 5-10 минути и внимателно извадете ги од калапите.