За овој рецепт се потребни помалку од 90 минути

1. Во сад ставете ги млекото, водата, шеќерот, квасецот, маслото и малку сол, а потоа постепено додавајте го брашното, цело време месејќи додека добиете меко и еластично тесто.
2. Потоа тестото оставете го да нарасне.
3. Ситно исечкајте го кромидот, а кашкавалот изрендајте го на крупната страна од рендето.
4. Кромидот ставете го малку да се пропржи во масло, потоа откако ќе омекне, додајте ги меленото месо, пасираните домати и зачините.
5. Нараснатото тесто поделете го на четири дела, а потоа секој дел рачно развлечете го во облик на пица, нанесете од приготвениот фил и изренданиот кашкавал, па ставете ги во рерна да се печат додека заруменат.
6. Извадете ги од рерна, додајте сечкан магдонос, млад кромид и попрскајте ги одозгора со свеж сок од лимон.