За овој рецепт се потребни помалку од 35 минути

1. Во блендер изблендирајте ги кикириките, 30 г какао, прстофат сол и 1 чаша овесни снегулки, блендирајте додека добиете изедначена смеса.
2. Додајте 95 г суво грозје, 2 лажици кокосово масло, 1 лажица јаворов сируп (или мед) и останатите овесни снегулки и повторно изблендирајте.
3. Добиената смеса убаво натапкајте ја врз плех со намастена хартија (18 см) и ставете 1 час во фрижидер да се стврдне.
4. За филот: изблендирајте ги бананите, путерот од кикирики, 65 г суво грозје, 60 мл топено кокосово масло, 1 лажица јаворов сируп (или мед), 1/4 лажичка сол и 1 лажица кокосово брашно.
5. Добиената хомогена смеса убаво распоредете ја над првата смеса во плехот и ставете во фрижидер уште 2 часа да се затегне.
6. За чоколадната глазура: истопете 85 г кокосово масло, 50 г какао и 80 мл јаворов сируп (или мед) во тенџере на пареа со постојано мешање додека смесата се соедини и се згусне.
7. Премачкајте трет слој чоколадна глазура врз колачот, убаво израмнете ја површината и оставете да отстои 6 часа во фрижидер или најдобро преку ноќ.
8. Утредента колачот исечете го на коцки, украсете со кикирики и послужете.