Овој рецепт се подготвува за помалку од 30 минути

1. Во едно тенџере се става 300 г шеќер со 300 мл вода, па се става на рингла и се остава да зоврие.
2. Потоа, во оваа смеса се додава таан-алвата искршена на парчиња.
3. Кога ќе се растопи алвата, се додаваат и 3 лажици какао, потоа 150 г маргарин исечкан на коцкички, како и бисквитите искршени на помали парчиња.
4. Откако добро ќе се измеша смесата, се трга садот од оган и во смесата се додаваат мелените ореви. Повторно се промешува за да се изедначи смесата.
5. Потоа, од оваа смеса се нанесува врз секоја обланда и тоа се премачкува убаво, од крај до крај. Премачканите обланди се редат една врз друга и добро се притискаат да се залепат. Само последната кора не се филува.
6. Откако ќе се стегне обландата се сече на коцки. Се декорира по желба.