За подготовка на овој рецепт се потребни помалку од 30 минути

1. Изматете ги јајцата, брашното, млекото и малку сол. Смесата оставете ја да отстои половина час, а потоа на тефлонско тавче печете тенки палачинки од двете страни со малку путер или маргарин.
2. Во друг сад запржете ги сечканите лешници, сувото грозје и 1 лажица шеќер сè додека не се карамелизираат, а потоа одозгора прелијте со рум. Со оваа смеса премачкајте ги палачинките и оставете ги на топло место.
3. Павлаката, 1 лажица шеќер и ванилин шеќерот оставете ги малку да зовријат и потоа во таа смеса растопете го иситнетото чоколадо. Жолчката изматете ја со 2 лажици млеко и додајте ги на чоколадото, откако ќе ја тргнете смесата од рингла. Оваа смеса ставете ја врз палачинките со рум, а по желба можете да ги посипете и со шеќер во прав.