За подготовка на овој рецепт се потребни помалку од 50 минути

1. Месото исечете го на коцки, посолете го, додајте црвен пипер и оставете го во фрижидер да отстои по можност преку ноќ.
2. Квасецот измешајте го со малку топла вода и со брашното и оставете да стаса, а потоа замесете средно меко тесто со уште малку топла вода и сол. Замесеното тесто покријте го со кујнска крпа и оставете го да стаса додека дупло не го зголеми волуменот.
3. Стасаното тесто поделете го на 8 топки и секој дел расукајте го долгнавесто, во форма на пастрмајлија и со помош на дланките здебелете го тестото на краевите.
4. Врз така подготвеното тесто, ставете од свинското месо и малку свинска маст. По желба додајте и малку мелена пиперка.
5. Печете ги пастрмајлиите во загреана рерна на 180°C, околу 30 минути. Можете да ја печете 20-25 минути, па потоа да ја извадите од рерна и да ја полиете со разматено јајце и да печете уште 5-10 минути.
6. Послужете со лути пиперчиња и буковец по желба.