За подготовка на овој рецепт се потребни помалку од 50 минути

1. Пастрмките исчистете ги, измијте ги и исушете ги, а потоа исечете ги со остар нож од под главата до перката и попрскајте ги со лимонов сок.
2. На врело масло пропржете исечкан лук и кога малку ќе омекне, додајте ја исечканата пиперка, излупените и исечканите домати. Посолете и пржете на тивок оган додека водата не испари. На крај, додајте исечкан магдонос, црвен пипер и бибер.
3. Пастрмките ставете ги во загреана намастена тава и пржете ги на двете страни. Кога ќе бидат готови, извадете им ја коската, посолете ги, забиберете ги, додајте вегета, лимонов сок и наполнете ги со претходно подготвената смеса од лук и домати.
4. Така подготвените пастрмки, ставете ги во загреана рерна уште малку да се испечат, а потоа послужете ги со свежа салата или прилог по желба. Може малку да ги набрашните пред да ги ставите да се печат, за да не се распаднат.