За овој рецепт се потребни помалку од 50 минути

1. Во тенџере на оган ставете ја коцката супа со вода да се варат.
2. Кромидот пржете го во растопен путер во тава на оган.
3. Кога ќе омекне, додајте ги сечканата печеница, грашокот, ситно сечканите магдонос и босилек.
4. Потоа додајте ги павлаката и доматното пире и промешајте.
5. Додајте ја сварената супа од коцка и зачинете со бибер и сол.
6. Макароните сварете ги настрана, исцедете ги и вратете ги во тенџерето кај што се вареа.
7. Жолчките измешајте ги во тенџерето со сварените макарони, па со лажица решетка додавајте ги грашокот, печеницата и кромидот од тавата во тенџерето со макарони.
8. Белките изматете ги со миксер, додајте ги во тенџерето и промешајте.
9. Правоаголна тава обложете ја со намастена хартија за печење, одозгора наросете лебни трошки и претурете ја содржината од тенџерето во неа.
10. Крупно изрендајте кашкавал и ставете ја тавата со јадењето да се пече 20 минути на 200 степени.
11. Макароните исечете ги на коцки и така служете. Може одозгора да ги декорирате со кечап.