За подготовка на овој рецепт се потребни помалку од 60 минути

1. Пилешкото месо и пиперката сомелете ги, црниот лук ситно исечкајте го и белиот лук испасирајте го.
2. Соединете го меленото месо, сечканиот лук, презлата, сода бикарбоната, мелената пиперка и зачините по вкус. Измешајте убаво со дланките за да добиете хомогена смеса, а потоа постепено додавајте малку кисела вода и мешајте додека не се впие водата. Добиената смеса покријте ја со фолија и оставете да отстои во фрижидер.
3. Откако смесата ќе отстои, со дланките формирајте бомбици со големина на мала праска. Од бомбиците, обликувајте плескавици и ставете ги во обложен плех со хартија за печење кој претходно го намастивте со масло.
4. Употребете помала округла модла и извадете ја средината на плескавицата или исечете круг во средината со помош на нож. Така подготвените плескавици, печете ги во загреана рерна на 200°C додека месото не зарумени.
5. Потоа извадете ги плескавиците од рерна, па во средина на секоја скршете по 1 јајце и вратете ги уште кратко во рерна додека јајцата не се испечат. Послужете ги во бургер леб и свежа салата по избор.