За подготовка на овој рецепт се потребни помалку од 45 минути

1. Исчистените пилешки копани убаво измијте ги под ладен млаз вода.
2. Тавче премачкајте го со маслиново масло, ставете го на оган и додајте го кромидот кој претходно е исечкан на многу ситни парченца. Пржете го кромидот околу 1 минута на загреаното масло.
3. Потоа додајте ги пилешките копани, посолете по вкус и покријте го тавчето со капак. Гответе на средно-тивок оган. Одвреме навреме превртувајте ги копанчињата за да впијат убаво од кромидот и маслото од сите страни.
4. На половина пред да тргнете од оган, додајте рузмарин по вкус, свртете ги копаните и оставете ги уште да се готват. Ако копанчињата малку ви се лепат, додајте сосема малку топла вода и продолжете со готвењето.
5. Пет минути пред крајот на готвењето, додајте го оцетот балсамико и оставете да се готви уште некоја минута.
6. Откако пилешките копани ќе бидат готови и кога ќе се направи кремаста смеса од маслото и од оцетот во тавчето, тргнете ги од оган и сервирајте ги. Можете да ги послужите со гарнир од варен компир по желба.