Овој рецепт се подготвува за помалку од 90 минути

1. Лентите сланина ги редиме една врз друга, им ја отсекуваме кожата и ги сечкаме на ситни коцки. Исечканата сланина ја ставаме во поголем длабок сад. Го додаваме грашокот.
2. На ситната страна од рендето во садот го рендаме кашкавалот. Мaгдоносот ситно го сечкаме и го додаваме во садот. Посолуваме, наросуваме бибер и мешаме со лажица додека состојките не се измешаат.
3. Со нож на половина по должина ги засекуваме парчињата стек. Посолуваме и ги наросуваме со бибер. Секое парче стек го премачкуваме со сенф.
4. Врз парче најлонска фолија го ставаме првото парче стек. Го прекриваме со друго парче фолија. Стекот го толчиме со дрвен чекан. Врз истолченото парче пилешки стек со лажица нанесуваме од филот од длабокиот сад.
5. Краевите на стекот ги свиткуваме навнатре за да не излегува филот. Потоа од филуваниот стек виткаме ролат.  Истата постапка ја повторуваме со останатите парчиња пилешки стек.
6. Ролатите ги редиме во намрсен огноотпорен сад, ги попорскуваме со масло за јадење и ги преливаме со 100 мл вода.
7. Огноотпорниот сад го ставаме во рерна и печеме 1 час на температура од 225 степени.
8. Ги вадиме ролатите од садот и ги сечеме на половина.