Овој рецепт се подготвува за помалку од 80 минути

1. Во брашното замешајте ги путерот, јајцата, ренданата кора од лимон, 80 г шеќер и малку сол. Замесете го тестото, завиткајте го во фолија и оставете го да отстои во фрижидер половина час.
2. Измешајте ги сокот и ренданата кора од портокал со 3,5 дл вода и сувото грозје, кое претходно сте го оставиле да омекне во млака вода и сте го исцедиле.
3. Варете ги 5 минути и додајте го пченкарното брашно и останатиот шеќер. Зачинете го со малку цимет. Продолжете да ги варите на тивок оган 10 минути, мешајќи ги.
4. Тестото поделете го на 2 нееднакви дела. Поголемиот расукајте го и ставете го во една тава прекриена со масна хартија.
5. Во кремот додајте ги исечканите бадеми и сокот од лимон и смесата сипете ја во тавата. Прекријте ја питата со другото тесто и печете ја на 180 степени 40 минути. Посипете ја со шеќер во прав и сервирајте ја.