За овој рецепт се потребни помалку од 40 минути + тестото да отстои

1. Се мешаат брашното и квасецот во подлабок сад. Се додава 1/2 лажица сол, 200 мл млака вода, масло за јадење и се замесува тесто. Тестото се остава да отстои до 1 час покриено со крпа.
2. Компирите се варат, се лупат и се сечат на тенки кругови.
3. Спанаќот се полева со врела вода за да омекне и потоа убаво се цеди.
4. Тестото се расукува во форма на правоаголник од 30х36 см и потоа се става во плех подмачкан со маргарин. Се нанесува спанаќот низ целото тесто рамномерно, а потоа дел од сирењето или кашкавал (претходно исечкано на ситни ленти) и ред од компирот.
5. Јајцата се матат и се нанесуваат врз тестото. На крајот се додава рузмарин и се попрскува со масло.
6. Тестото се остава да отстои уште 20 минути. Откако ќе отстои, се пече во загреана рерна на 200 степени околу 25 минути.