За овој рецепт се потребни помалку од 60 минути

1. Во длабок сад измешајте ги меленото месо, ситно сечканите кромид, 1 чешне лук, магдонос и ренданиот морков.
2. Додајте ги црвениот пипер, прашокот за печиво, лебните трошки и 4 лажици брашно.
3. Јајцата изматете ги со виљушка со малку сол и бибер и додајте ги во садот, па мешајте со лажица додека смесата се соедини.
4. Земете од смесата од месо и расплескајте ја на едната дланка, додајте по коцка сирење и формирајте топче.
5. Постапката повторете ја со сите состојки и потоа редете ги на чинија намастена со масло.
6. Пржете ги на загреано масло во тава на оган, па ставете ги во керамичка тава.
7. Со алатка изгмечете ги преостанатите 2 чешниња лук и пржете ги на преостанатата маснотија во тавата на оган.
8. Додајте ги преостанатите 3 лажици брашно и мешајте со лажица.
9. Откако брашното ќе се испржи додајте 250 мл вода и киселото млеко, па непрекинато мешајте со жица за матење.
10. Откако сосот ќе ја добие потребната густина, нанесете го врз ќофтињата и печете ги 30 минути во рерна на 220 степени.