За подготовка на овој рецепт се потребни помалку од 70 минути

1. Пиперките се издлабуваат.
2. Двата вида месо се соединуваат, па се додаваат оризот, јајцето, сечканиот кромид, сечкани 3 чешниња лук, оригано, вегета, сол, бибер и пасиран домат (доматно пире). Со смесата се полнат пиперките.
3. Пиперките се редат во лонец, се додава чадена сланина и ловоров лист. Се залева со вода колку да се прекријат пиперките и се вари на умерен оган околу 40 минути.
4. Тиквичката се лупи и се сечка на коцкички, па се пржи во врело масло околу 5 минути. Потоа се додава 1 чешне иситнет, изгмечен лук и штом ќе замириса, се трга од оган. Тиквичките се пасираат во пире.
5. Во лонецот во кој се варат пиперките, по 40 минути додајте го пирето од тиквички и сосот од домати. По потреба посолете. Варете 10-тина минути, па додајте куркума. Варете уште минута и тргнете од оган. Додајте сечкан магдонос.