За овој рецепт се потребни помалку од 60 минути + 3 часа за стасување на тестото

1. Во еден сад измешајте ги брашното и шеќерот, во средината направете длабнатина и ставете го млакото млеко во кое претходно го растопивте квасецот.
2. Измешајте, па додајте ги јајцата, омекнатиот путер и солта, па замесете меко и еластично тесто. Оставете го да стасува 2 часа во изгасена рерна, покриено со крпа додека го зголеми волуменот.
3. Виршлите исечете ги на парчиња, а кашкавалот исто така (или моцарела) и измешајте.
4. Стасаното тесто поделете го на топчиња, растегнете ги и наполнете ги со смесата од виршли, па затворете ги.
5. Топчињата редете ги едно до друго во кружна тепсија врз намастена хартија за печење и оставете ги да стасаат уште 1 час.
6. Потоа премачкајте ги со малку млеко и ставете ги да се печат во веќе загреана рерна на 180°C околу 20-25 минути.