За овој рецепт се потребни помалку од 30 минути + 2 часа во фрижидер

Крем:

1. Во тенџере на оган се ставаат 1 литар млеко, пудинзите од ванила и 5 лажици шеќер и се вари пудингот додека згусне.
2. Пудингот се остава целосно да се излади и потоа кога ќе се олади во него со миксер се мати маргаринот.

Пандишпан:

1. Во друг сад се ставаат јајцето, 1 шолја за кафе шеќер, 1 шолја млеко, брашното, печивото и ванилата и убаво се мешаат додека смесата се изедначи.
2. Смесата се става во кружен сад за печење торти врз хартија за печење и се пече.

Финална постапка:

1. Пандишпанот се остава малку да се олади, па се премачкува со малку крема и на неа се редат јагодите (треба да бидат благи и мали, или големи, пресечени на половини, а и не мора да се сечат).
2. На калапот околу се редат јагодите, пресечени на половина така што исеченото да е залепено на калапот, па после останатите јагоди се ставаат во средина и не мора да се сечат.
3. Одозгора на јагодите оди остатокот од кремата и се натискува малку со лажица, така што секоја празнина ќе се пополни.
4. Колачот се остава најмалку 1-2 часа во фрижидер за да се стврдне кремот.
5. Одозгора се става шлаг и пак се враќа во фрижидер за да се стврдне шлагот. Наместо шлаг може да се стави и растопена чоколада.