За подготовка на овој рецепт се потребни помалку од 30 минути

1. Ракчињата наросете ги од двете страни со сол и бибер и тргнете ги настрана.
2. Чили пиперките исчистете ги и извадете им ги семките и дршките, па ставете ги во среден сад и налијте ги со зовриена вода. Оставете ги да отстојат 20-тина минути додека омекнат.
3. Чили пиперките испасирајте ги со половина чаша од водата во садот во блендер или со миксер додека смесата се соедини.
4. Во длабока и голема тава ставете го маслото да се загрее, па откако добро ќе се загрее додајте го лукот кој претходно е изгмечен и пржете со мешање околу половина минута.
5. Во тавата додајте ги ракчињата и пржете ги од двете страни по околу 1-2 минути додека добијат убава боја.
6. Тргнете ја тавата од оган и додајте ја текилата. Промешајте со дрвена лажица и вратете на оган.
7. Во тавата додајте ги испасираните чили пиперки и исцедениот сок од зелен лимон. Откако течноста ќе зоврие, намалете ја температурата и гответе 4-5 минути.
8. Пред послужување премачкајте ги ракчињата со путер додека се растопи и ставете уште сол и бибер по потреба.