За овој рецепт се потребни помалку од 35 минути

1. Пилешките гради сомелете ги на машина за мелење месо. Може да ги замените со веќе мелено пилешко месо.
2. Тиквичките измијте ги и изрендајте ги, па измешајте ги во сад со месото, јајцето, ренданиот кашкавал, сол и бибер.
3. Смесата измешајте ја и замесете ја со навлажнети дланки додека да добие хомоген состав.
4. Потоа дајте им долгнавеста форма и обвиткајте ги околу дрвените стапчиња за ражничи.
5. Така припремените ражничи печете ги на скара од двете страни по неколку минути додека добијат убава боја. Ако не ги подготвувате на скара, ражничите ставете ги во плех врз хартија за печење и печете ги во загреана рерна на 200 степени, околу 15 минути.