За овој рецепт се потребни помалку од 80 минути

1. Загрејте ја рерната на 200°C.
2. Излупете ги компирите, измијте ги и исечете ги на тенки кришки.
3. Премачкајте една тава со исечканиот лук и со путерот. Распоредете ги компирите врз тавата и прекријте ги со кругови домати.
4. Измешајте го кашкавалот со 250 мл павлака и со млекото, зачинете го со сол и бибер, па сипете врз доматите. Печете ги 45 минути.
5. Спанаќот измијте го и обарете го во врела, посолена вода околу 1 минута. Потоа прелијте го со ладна вода, исцедете го и ситно исечкајте го. Измешајте го со сирењето и со пармезанот и жолчките.
6. Шницлите истолчете ги, посолете ги и попиперете ги. Преку нив ставете го спанаќот и завиткајте ги во ролати. Зацврстете ги со чепкалка. Посипете ги шницлите со брашно и пржете ги 10 минути на врело масло.
7. Измешајте го сокот од пржењето со коњакот, па додајте го на останатата павлака. Посолете и додајте бибер, па проварете го.
8. Ролните исечете ги на половина и сервирајте ги со сосот и со компирите. Посипете ги со тревките и послужете.