За овој рецепт се потребни помалку од 60 минути

1. Сланината, колбасите и шунката исечете ги на коцки и ставете ги да се варат.
2. Морковот и кромидот ситно исечкајте ги и ставете ги со месото во тенџерето.
3. Киселите краставички ситно исечете ги и додајте ги. Оставете нека се вари.
4. Во тавче ставете масло и додајте го ситно сечканиот кромид да се пржи.
5. Доматите изрендајте ги ситно (може и доматен сос), ставете ги во тавче за пржење, испржете ги малку, додајте црвен пипер, па запршката додајте ја во тенџерето.
6. Посолете, додајте вегета и оставете ја супата да се вари уште пет минути. На крајот додајте ситно сечкан магдонос.
7. Супата сервирајте ја во чинија, додајте една лажица кисела павлака, парче лимон и маслинки.