За овој рецепт се потребни помалку од 120 минути

1. Кромидот ситно се сечка и се пржи на масло заедно со исечканиот морков. Откако ќе омекне кромидот, се додава меленото месо и се пржи 10-тина минути. Се зачинува со сол и вегета.
2. Потоа се додава оризот, се меша и смесата се трга од оган.
3. Се додаваат сечканиот кулен (или чадена сланина), исечканиот магдонос, јајцето и останатите зачини.
4. Откако убаво ќе се измеша филот, се обаруваат листовите штавеј, претходно исчистени и измиени.
5. Дното на садот во кој ќе ги печеме сармите го обложуваме со листови штавеј и продолжуваме со виткање на сармите.
6. Сармите исто така ги покриваме со листови штавеј.
7. Се зоврива вода и се полева врз сармите колку да ги покрие. Се печат во загреана рерна на 200 степени околу 1 час и половина.
8. За подобар вкус, се прави запршка. На малку масло се пржи едно чешне лук, се додава 1 лажица црвен пипер и се полева врз готовите сарми.
9. Се оставаат уште 10 минути во рерна, а потоа се вадат.
10. Сармите се служат со кисела павлака и таратур, подготвен од кисело млеко, лук и млад лук.