За овој рецепт се потребни помалку од 40 минути

1. Одделете ги белките и жолчките.
2. Белките изматете ги со миксер во цврст снег и ставете ги настрана, а во друг сад жолчките со вилушка изматете ги со ренданата кора од лимон.
3. Во садот со жолчки додајте 120 грама шеќер и матете со миксер додека да добиете пенаста смеса, а потоа додајте ги постепено снегот од белки и брашното, па убаво промешајте.
4. Тестото поделете го на два дела.
5. Во едниот дел додајте го какаото, а другата половина останува жолта.
6. Секој дел прелијте го посебно во големи плехови врз намастена и набрашнета хартија за печење и печете ги додека фатат убава коричка.
7. Печените листови теста извадете ги врз навлажнета кујнска крпа и секој посебно свиткајте го во ролат и оставете да се оладат.
8. Во меѓувреме подгответе го кремот: со миксер пенасто изматете го путерот и 200 грама шеќер. Додајте 2 жолчки и рум.
9. Смесата поделете ја во два посебни садови.
10. Настрана растопете го чоколадото и додајте го во еден од садовите.
11. Оладените теста премачкајте ги со кремот така што светлото тесто со чоколаден крем, а темното тесто со бел крем.
12. Потоа ставете ги еден врз друг, свиткајте ги во ролат и прелијте ги со глазура од растопено бело чоколадо. По желба украсете ги со чоколаден крем.