За овој рецепт се потребни помалку од 45 минути

1. Копаните сварете ги добро за да може да се оддели месото од коската.
2. Водата во која што се варат копаните тргнете ја настрана, а месото од копаните ситно одвојте го од коските.
3. Шпагетите сварете ги во зачинета вода, потоа процедете ги, полејте ги со ладна вода и вратете ги во истото тенџере во кое што дното ќе го подмачкате со 1 лажица масло.
4. Измешајте ги шпагетите со половина од иситнетото месо.
5. Настрана во тава ставете 2 лажици масло и 2 лажици брашно и пржете околу 10-тина минути за да добие жолтеникава боја. Додајте 2 шолји од водата во која се вареа копаните.
6. Откако смесата ќе стане хомогена, додајте го јајцето измешано со 1 лажиче сенф и 1 чаша кисела павлака.
7. Мешајте околу 5 минути додека сосот ја добие потребната густина, а пред да го тргнете од оган, додајте половина од преостанатото иситнето пилешко месо и повторно добро измешајте.
8. Сосот тргнете го од оган и сервирајте го со шпагетите.