Овој рецепт се подготвува за помалку од 40 минути

1. Шпагетите ги ставаме во тенџере со зовриена вода и додаваме една лажичка сол и малку масло. Ги оставаме да се варат.
2. Во друго тенџере на оган ставаме 500 мл вода и оставаме да зоврие.
3. Морковите ги сечкаме на тенки кругови и ги додаваме во зовриената вода. Додаваме една мала лажичка мешан зачин и оставаме морковот да се свари.
4. Откако морковот ќе се свари во истото тенџере го додаваме спанаќот. Кога спанаќот добро ќе омекне, го вадиме од тенџерето и го ставаме во блендер со малку од водата во која се варел. Блендираме додека добиеме густ сос.
5. Во тава на оган го ставме путерот и го додаваме сосот. Додаваме и малку бибер. Откако сосот ќе зоврие, го додаваме пармезанот и оставаме да се вари на тивок оган околу 10 минути.
6. Сварените шпагети ги цедиме во цедалка. Потоа шпагетите ги ставаме во чинија за јадење и врз нив налеваме од сосот. Декорираме со неколку ливчиња спанаќ и со исечкани кругови од моркови.