За овој рецепт се потребни помалку од 70 минути

1. Квасецот се раствора во млекото со 1 лажица шеќер, па се остава да стаса 15-тина минути.
2. Во сад за месење се става брашното, па се додават јајцата, солта, маслото, шеќерот и нараснатиот квасец. Од смесата се замесува убаво меко тесто и се остава малку да отстои.
3. Од тестото се расукува кора на која на сите четири страни ѝ се сечат ќошовите како мали коцки. Останува форма како за виткање плик.
4. На средина од кората се нанесува џем од капини, а двете пошироки страни се сечат на ленти со ширина од 2 см, но не докрај, точно до премачканото со џем.
5. Потоа исечените ленти се плетат врз делот со џем во плетенка составена од две ленти (како рибина коска), а краевите од потесната страна ја затвараат штрудлата за да не истече мармаладот.
6. Штрудлата се пече во загреана рерна додека убаво зарумени.