За овој рецепт се потребни помалку од 40 минути

1. Во еден сад се ставаат 250 грама путер, 240 грама шеќер, 6 жолчки, 1 ванилин шеќер, сè заедно долго се мати и на крај се додаваат 500 грама слатка павлака и 280 грама обарени, излупени и мелени бадеми.
2. Павлаката со ванилата се вари на пареа со постојано мешање, се трга на страна и се меша додека не се олади.
3. Во изматениот путер постепено се додава една по една лажица павлака.
4. Во калапот за торта се става хартија колку да се покрие дното.
5. Потоа се земаат 250 грама бисквити, и секоја бисквита одделно се натопува во млеко и се редат на калапот врз хартијата.
6. Одозгора се става смесата од путер и павлака.
7. Повторно се редат бисквити, па крем и постапката се повторува додека не се потроши целата смеса. Се завршува со бисквити.
8. Вака приготвената торта се остава во фрижидер 24 часа и се послужува ладна. По желба може да декорирате со овошје, ситно сечкани јаткасни плодови, шлаг или прелив.