За овој рецепт се потребни помалку од 90 минути

1. Доматите исечете ги на половина, издлабете ги, посолете ги, ставете ги врз тава прекриена со масна хартија за печење и печете ги 40 минути на 100 степени. Потоа исечкајте ги.
2. Измешајте го брашното со квасецот.
3. Во друг сад изматете ги јајцата со малку сол, бибер, 100 грама масло и 100 грама млеко. Потоа оваа смеса додајте ја со брашното и измешајте.
4. Додајте ги исечканите маслинки, доматите, ренданото сирење, неколку исечкани листови босилек, па добро измешајте ги.
5. Смесата сипете ја во калап со димензии од околу 30х11х8 см, кој претходно добро сте го намастиле и набрашниле.
6. Печете го колачот на 180 степени, 45 минути. Оставете го да се олади, па исечете го на парчиња и послужете го со свежа салата.