За овој рецепт се потребни помалку од 80 минути

1. Брашното измешајте го со 125 г путер, 1 јајце и 3 лажици вода. Посолете и со дланките замесете тесто, па оставете го во фрижидер 30 минути.
2. Сланината исечкајте ја на ситни коцки, пржете ја на загреано масло во вок тава на оган и промешајте.
3. Шампињоните исечкајте ги на листови, а празот на тенки полукругови. Додајте ги во тавата со запржената сланина и промешајте.
4. Откако празот и шампињоните ќе се испржат, зачинете со сол и бибер, промешајте и тргнете ја тавата од оган.
5. Додајте ги млекото и неутралната павлака, промешајте и оставете содржината во тавата да се излади.
6. Потоа додајте ги преостанатите 3 јајца, ситносечканиот магдонос, ренданиот кашкавал и преостанатиот путер. Измешајте добро.
7. Тестото извадете го од фрижидер и растегнете го на набрашнета работна површина. Со сукало развлечете кора, ставете ја кората во кружен калап за печење врз намастена хартија за печење со тоа што ќе го прекриете и страничниот дел на тавата.
8. Со виљушка избодете го тестото на неколку места и печете го така без филот 15 минути во претходно загреана рерна на 200°C.
9. Извадете го тестото од рерна и ставете одозгора од филот, па допечете во рерната на 180°C уште 30 минути.