Овој рецепт се подготвува за помалку од 40 минути

1. Главицата кормид ситно ја сечкаме и ја пржиме во тава на оган со загреано масло.
2. Претходно исчистениот и измиен спанаќ го сечкаме и откако кромидот ќе омекне, го додаваме во тавата. Посолуваме, наросуваме бибер и промешуваме.
3. Чешнињата лук ги гмечиме и го додаваме во тавата. Сварените компири ги лупиме, ги гмечиме со алатка и ги ставаме во поголем длабок сад.
4. Го додаваме брашното, две јајца, посолува и мешаме со лажица. Продолжуваме тестото да го месиме со раце на набрашнета  работна маса.
5. Тавата за пржење ја тргаме од оган. На покрупната страна од рендето во тавата за пржење ги рендаме шунката и сирењето и мешаме со лажица. Го кршиме преостанатото јајце, го додаваме во тавата со филот и промешуваме.
6. Од тестото со сукало развлекуваме кора. Од кората со калап вадиме тркалезни форми со дијаметар од 10 см.
7. На секоја тркалезна форма со лажица нанесуваме од филот. Го превиткуваме тестото на половина прекривајќи го филот. Со прсти ги притискаме краевите за да се залепат и за да не излегува филот.
8. Готовите форми ги пржиме во тава на оган со загрено масло. Испржените колачи ги вадиме од тавата и ги ставаме на чинија обложена со хартија за да се впие непотребната маснотија.