За подготовка на овој рецепт се потребни помалку од 30 минути

1. Едниот модар патлиџан измијте го и исечете го на кругови со димензии околу половина сантиметар. Потоа ставете го на скара или во тава на оган да се потпече од двете страни, колку малку да потемне.
2. Другиот модар патлиџан измијте го и исечете го на ленти околу 1 сантиметар, а потоа исечкајте го на коцкички. Доматите и кашкавалот, исто така, исечкајте ги на коцки, а пршутата на тенки ленти.
3. Во тава со загреано масло ставете го ситно исечканиот лук, додајте ги коцкичките модар патлиџан и темјанот.
4. Пржете на тивок оган неколку минути, а потоа додајте ги доматите, водата, сол и бибер и динстајте 10-тина минути додека модрите патлиџани не омекнат.
5. Во 4 огноотпорни, кружни садови со мали димензии, наредете еден слој парчиња кружно исечкан модар патлиџан, потоа друг слој од пропржената смеса со модрите патлиџани и доматите, еден слој пршута и на крај завршете со слој кашкавал. Постапката повторете ја во сите садови додека не се потроши смесата.
6. Печете во загреана рерна на 200°C околу 20 минути, а потоа послужете ги.