За овој рецепт се потребни помалку од 80 минути

1. На пилешкото бело месо му ги отстрануваме кожата и коските, па потоа заедно ги ставаме во тенџере.
2. Целерот, пашканатот и морковот ги лупиме и заедно со магдоносот ги додаваме во тенџерето.
3. Во тенџерето налеваме 1 литар вода и го ставаме на оган. Посолуваме и наросуваме мелен црн пипер, го покриваме тенџерето со капак и оставаме месото и зеленчукот да се варат 40 минути.
4. Откако ќе се сварат, со лажица решетка ги вадиме месото и зеленчукот од тенџерето, ги ставаме во цедалка врз поголем длабок сад, ја тргаме коската на страна, а месото го ситниме со 2 виљушки.
5. Потоа ги ставаме во машина за мелење месо, па мелената смеса ја собираме во поголем длабок сад.
6. Киселите краставички ги сечкаме на коцки и ги додаваме во садот со мелената смеса, во садот го додаваме фета сирењето (го гмечиме сирењето со виљушка) и кашкавалот (рендан од ситната страна на рендето).
7. Во садот ги додаваме и павлаката и мајонезот, па мешаме со виљушка додека состојките се соединат.
8. Јајцата ги кршиме во подлабок сад и ги матиме со виљушка.
9. Со раце земаме од смесата од длабокиот сад, ја расплескуваме смесата на едната рака и на средината ставаме една полнета маслинка.
10. Од смесата формираме бомбица, ја валкаме во брашно, па во изматените јајца и на крај во сусам.
11. На истиот начин ги формираме сите бомбици.
12. Потоа ги пржиме во тава со загреано масло на оган, па испржените бомбици ги ставаме во чинија обложена со хартија за да се впие непотребната мрснотија.
13. Солените рафаело ги редиме на чинија за сервирање и ги украсуваме со листови целер.