За подготовка на овој рецепт се потребни помалку од 40 минути

1. ФИЛ: ставете тенџере на оган, а во него половина од путерот да се растопи. Кога ќе се стопи путерот, додајте 2 лажици брашно и мешајте додека се пржи. Разредете со додавање на малку млеко (половина чаша, но не треба смесата да е многу ретка) и мешајте непрекинато со жица за матење. Тргнете од оган и оставете го тенџерето настрана.
2. На даска за сечење се сече сирењето на коцки, се додава во тенџерето и се промешува со жицата. Истата постапка повторете ја со ананасот и со шунката.
3. ТЕСТО: на оган ставете тенџере и додајте 200 милилитри вода. Додајте путер и посолете. Додајте го преостанатото брашно и мешајте непрекинато додека тестото не почне да се одделува од тенџерето.
4. Во поголем длабок сад скршете 2 јајца и матете ги со жица за матење, а потоа со непрекинато мешање додајте ги во тенџерето со брашното и изрендајте сирење.
5. Земете земјена тава и премачкајте ја внатрешноста со путер. Потоа ставете еден слој од претходно подготвеното тесто, а врз него од претходно подготвениот фил. Ставете ја тавата во рерна и печете 20тина минути на температура од 200°C.
6. Откако суфлето ќе добие златно – румена боја, извадете го од рерна и декорирајте со магдонос.