За овој рецепт се потребни помалку од 90 минути

1. Рерната загрејте ја на 180°C.
2. Употребете кружен сад за печење од 22 см и на дното ставете намастена хартија за печење.
3. Изматете 125 грама путер со 250 грама шеќер додека добиете кремаста смеса. Потоа додајте ги јајцата едно по едно и повторно изматете.
4. Во друг сад ставете го какаото и постепено додавајте по малку од темното пиво и мешајте со лажица додека целото пиво не го истурите во садот со какаото.
5. Во трет сад ставете ја сода бикарбоната и измешајте ја со брашното, па потоа измешајте ги со пивото и со какаото.
6. Смесата со брашно, сода бикарбона, какао и пиво додајте ја во садот со путерот, шеќерот и јајцата. Мешајте ги состојките со лажица додека добиете густа смеса.
7. Добиената смеса претурете ја во намастениот сад и печете ја во загреаната рерна околу 70 минути, но проверувајте ја по половина час за да не ви загори. Готова е кога ќе добиете тврда, распукана површина.
8. Извадете ја од рерна, извадете ја фолијата и оставете да се олади целосно.
9. Во меѓуреме подгответе го филот: измиксирајте 65 грама путер со 130 грама шеќер во прав. Потоа кога ќе добиете кремаста смеса, додајте го темното чоколадо и повторно измиксирајте или изблендирајте.
10. Оладената торта премачкајте ја со чоколадниот фил и одозгора изрендајте бело чоколадо.