За овој рецепт се потребни помалку од 50 минути

1. Го сечкаме кромидот и го пржиме во тавата. Откако ќе пожолти ги додаваме пилешките гради, додаваме сол и црн пипер.
2. Кога пилешкото месо малку ќе се испржи, но не до крај, го додаваме мешаниот зеленчук и мешаме. Кога смесата е готова додаваме сирење сечено во ливчиња и чили по желба.
3. Тортиљите малку испрскајте ги со вода од двете страни и ставете ги да се загреат во тавата.
4. Прво ставаме на тортиљата павлака, па на неа смесата со зеленчук и пилешки гради. Наросуваме со изрендано сирење и ја виткаме тортиљата.
5. Свитканата тортиља повторно ја мачкаме со павлака и наросуваме со изрендано сирење.
6. Тортиљите ги ставаме во тепсија која претходно е намачкана со малку путер.
7. Прво тавата ја ставаме во рерната да се загрее на 200 степени додека ги правиме тортиљите. Кога ќе завршиме со полнење на тортиљите, ги ставаме да се печат и ја намалуваме температурата на 180 степени. Ги вадиме од рерната кога сирењето ќе добие жолта боја.