Овој рецепт се подготвува за помалку од 40 минути

1. Во поголем длабок сад го ставаме белото брашно и посолуваме. Потоа  во садот почнуваме да додаваме вода и цело време матиме со миксер. Матиме додека не добиеме поретко мазно тесто.
2. Во друг таков сад го ставаме пченкарното брашно и посолуваме. Почнуваме да додаваме вода и непрекинато матиме со миксерот. Матиме додека и од ова брашно не добиеме поретка мазна смеса.
3. Тавата за печење ја попрскуваме со масло за јадење. Со црпалка во тавата ставаме од пченкарната смеса. Тавата ја ставаме во рерна, за да се потпече кората. Печеме неколку минути на температура од 250°C.
4. Кората ја попрскуваме со со масло за јадење. Потоа врз пченкарната кора со црпалка ставаме од смесата од бело брашно. Тавата повторно ја ставаме во рерна за и оваа кора да се запече.
5. Во чинија го ставаме сирењето и го дробиме со вилушка. Ја вадиме тавата од рерна и повторно попрскуваме со масло за јадење и во тавата ставаме од дробеното сирење.
6. Повторно со црпалка ставаме од пченкарната смеса и ја враќаме тавата во рерна. Ја вадиме од рерна, попрскуваме масло за јадење и ставаме од смесата од белото брашно. Ја враќаме тавата во рерна за да се запече кората. Истата постапка ја повторуваме додека не ги потрошиме двете смеси и целото сирење.
7. Ја вадиме тавата од рерна и со остар нож сечеме квадратни форми. Повторно ја враќаме тавата во рерна и оставаме предјадењето да порумени.