Овој рецепт се подготвува за помалку од 30 минути

1. Сирењето се дроби.
2. Одделно се матат јајцата и се додава кисела вода и кисело млеко.
3. Корите се делат на 3 дела. Еден дел се реди во плех (подмачкан со зејтин или путер) и преку корите се става 150 грама издробено сирење, одозгора кори, па повторно 150 грама сирење и конечно, преостанатите кори.
4. Така наредената пита со остар нож се сече на коцки.
5. Питата се посипува со загреан зејтин и изматените јајца со кисело млеко и кисела вода (претходно исечените парчиња се разделуваат со нож за преливот поубаво да навлезе).
6. Питата се пече во добро загреана рерна.
7. Во преливот од сирење може да се додаде и 250 грама спанаќ.