За овој рецепт се потребни помалку од 90 минути

1. Брашното, солта, 1 лажичка шеќер, оцетот, 200 мл масло плус 4 лажици, маргаринот и малку млака вода по потреба ги мешаме и замесуваме тесто. Тестото го оставаме да отстои 10 минути.
2. Потоа го делиме на два дела – од првиот дел правиме 10 топчиња, а од вториот дел 8 топчиња.
3. Од секое топче расукуваме кругови, ги премачкуваме со маргарин и ги редиме едно врз друго. Постапката ја повторуваме со сите топчиња, ги оставаме во фрижидер околу 30 минути.
4. За тоа време тиквата ја пасираме и ја миксираме со млекото, јајцата, ванилиниот шеќер и 4 лажици обичен шеќер додека да добиеме хомогена смеса.
5. Прво ја расукуваме кората од осум топчиња, па ја ставаме во подмачкан плех, ја попрскуваме со масло и го нанесуваме рамномерно целиот фил, попрскуваме со масло.
6. Потоа ја расукуваме поголемата кора од 10 топчиња, ја ставаме врз филот и ја набираме, пак убаво попрскуваме со масло.
7. Питата ја печеме во загреана рерна на 200°C околу 40 минути.